Pulserande hjarteauge

Nynorsk scenespråksenter viser 19. november klokka 19 ei arbeidsvisning av denne dramatiseringa. I samarbeid med regissør Jeff Pedersen og forfattar og dramaturg Katrine Sele skal dei framstille den sårbare og personlege historia om kjærleik og forsøket på å ikkje miste seg sjølv.

Om boka Menn som nesten elska meg:

Då forfattar Katrine Sele skilde seg midt i førtiåra, blei ho kasta ut i kaos – einsemd, økonomiske bekymringar og frykta for å ikkje strekke til som mor. Men snart tok lengten etter kjærleik over. Ho begynte å leite etter ein kjærast, noko som viste seg å vere både komplisert og uføreseieleg. I denne ærlege og sårbare memoaren skildrar ho sju år med dating, forelskingar og kjærleikssorger og forsøka på å kome nær eit anna menneske utan å miste seg sjølv. Ho reflekterer over kva kjærleik og sex eigentleg betyr, og korleis ein kan kome seg gjennom hjartesorg – med hjelp frå både eigne erfaringar og litteratur.

Menn som nesten elska meg er ei personleg forteljing om kjærleikens utfordringar, og ei handsrekking til alle som leiter etter nærleik og meining i livet.