Vi har inngått samarbeid med strikkeinfluensar @knittingtraditions – Inga Skeie frå Førde!
Ho har utvikla strikkeoppskrifta til Findus si lue, slik den ser ut i Teater Vestland si framsyning Gubben og katten og nissemaskina, designa av Stina Lunde. Med katteøyre!
Oppskrifta inneheld to variantar:
Nybegynnarversjonen: Ei enkel, stripete lue, perfekt for deg som vil strikke di første lue.
For den lett øvde strikkaren: Ei meir formstrikka lue med vendepinnar i vrangborda og vendepinnar til slutt for å heve øyra.
Begge variantane finst i storleikar frå baby på 6 månader til vaksen. Vel den versjonen som passar ferdigheitsnivået ditt, vel stripemønster og følg måla for den aktuelle storleiken.
Treng du hjelp til å sette saman garnpakke, så står dei flinke ekspeditørane på garnbutikken Strikkeverda på Elvetorget klare til å hjelpe.
No håpar vi sjølvsagt at vi får sjå mange små og store rundt omkring i Vestland med denne nydelege lua.