Teaterkafe med Katrine Sele
Kvifor er det så flautt å leite etter kjærleik?
Katrine Sele meiner at kjærleikslengten er ei viktig kraft i liva våre, men den innsikta har vore strevsam å finne fram til.
I den nye memoarforteljinga «Menn som nesten elska meg» skildrar ho sju år med dating, forelskingar og kjærleikssorger etter ei skilsmisse, og kor vanskeleg det var å komme nær eit anna menneske utan å miste seg sjølv.
Etter kvart let ho erfaringane i livet bryne seg på litterære erfaringar og refleksjonar. Slik veks det fram ei styrke og ei omsorg, også for seg sjølv, i lengten og leitinga etter kjærleiken.
Denne tysdagen møter Katrine Sele forfattarkollega Mikkel Bugge til ein samtale om litteraturen og skrivinga som ei handsrekning i livet og rettesnor i jakta på kjærleiken.
Dato: 10. juni
Stad: Røyst, Nynorskhuset
Fritt tilgjenge
Stad: Røyst, Nynorskhuset
Fritt tilgjenge
Teatermeldingar
Pressefoto
Kunstnarleg lag
Programmet er i samarbeid med Teater Vestland og har fritt tilgjenge.
Rom for ord vert utvikla som ein distriktsvariant av litteraturhuset for møteplassar i grender, bygdelag og tettstadar på vestlandet. Sunnfjord er vertskommune for satsinga.
Speletid:
ca 60 min
Billettpris:
Gratis,–
Spelestad:
Nynorskhuset