Kulturnatt i Førde: Lansering og stolpejakt

Program for Teater Vestland i Nynorskhuset:

• Kl. 18:00-18.30 Lansering av lydopplevinga Gebrokkent: Eg vil heim
  – med mellom anna samtale med forfattar Arturo Tovar og Heidi Hattestein frå Teater Vestland.

• Kl. 18.30-21.00 Lydoppleving med virtuell fjelltur

• Stolpejakt-teater med Amatørteatergruppa til Teater Vestland: Spoon River Anthology
  – eit levande møte med karakterar og forteljingar rundt om og i Nynorskhuset.

• Kl. 18.00-21.00 er Teater Vestland til stades med stand med lykkehjul, premiar og konkurransar
  – og du kan få vite meir om det vi jobbar med og kva som skjer framover.

Ta med vener, familie eller berre deg sjølv – det blir uhøgtideleg, engasjerande og ope for alle.
Arrangementet er gratis og ope for alle.

—

Om Kulturnatt i Førde

Kulturnatt i Førde har vore arrangert årleg sidan 2018, og har utvikla seg til å bli ei av dei største kulturhendingane i Førde. Arrangementet samlar over 300 kulturaktørar frå meir enn 35 ulike lag og organisasjonar – både frivillige og profesjonelle – som saman fyller sentrum med musikk, teater, kunst, samtalar og aktivitetar for alle aldrar.

Målet med Kulturnatt er å gjere Førde til ein levande møteplass, der det skjer noko overalt. Teater Vestland er stolt over å vere ein del av dette mangfaldige fellesskapet.