FRUKOSTSEMINAR I NYNORSKHUSET: SPRÅK OG MAKT
Språk og makt
Kvifor har ein av Noregs største influensarar fått augo opp for nynorsk – og kva skjer når ho deler tankane sine om språket? Korleis brukar politikarar språk for å påverke, og kva meiner dei om framtida til nynorsk og demokratiet vårt?
Vi inviterer til samtale med bloggar og influensar Sophie Elise Isachsen, etterfølgt av panelsamtale der vi dykkar djupare inn i temaet saman med:
- Stig Even Lillestøl, 1. kandidat for Frp Sogn og Fjordane
- Alice Vie, 2. kandidat for SV Sogn og Fjordane
- Elias Eide, 3. kandidat for Høgre Sogn og Fjordane og rådgjevar for Høgre si stortingsgruppe
- Emma Berge Ness, 3. kandidat for Senterpartiet Sogn og Fjordane
Samtalene blir leia av Solveig Svarstad i NRK Vestland.
Kaffi og lett servering frå klokka 08:30
Arrangementet er gratis, men grunna avgrensa plassar ber vi om påmelding innan 25. august.
Bli med på ein morgon full av inspirasjon, innsikt og engasjement!