Nansens son

Åsmund er ikkje som alle andre. Han har bestemt seg for at han åleine skal gjenopprette Fridtjof Nansens tapte ære. Nansen nådde jo aldri heilt fram til Nordpolen.

For å trene på kulde har Åsmund skaffa seg ein fryseboks som han søv i. Etter kvart som han venner seg til kulden, skrur han temperaturen gradvis meir og meir ned. Han har eit klart mål og ein tydeleg plan, men kor mykje kulde og einsemd toler eigentleg eit menneske?

Nansens son er eit humoristisk og sårt stykke om konsekvensane av å dyrke ein vinnarkultur. Det handlar om dei som ikkje klarer å passe inn blant dei sterke, og om kor vanskeleg det kan vere å leve om ingen treng at ein er til.

Nokre spelestader kjem i sal seinare. Følg med – turnélista blir oppdatert fortløpande!